بلوچستان نا ضلع نوشکی ٹی اسہ تیل دروک ٹرک ئسے ٹی ناگمان آ خاخر لگا، خاخر لگنگ نا حوال رسینگ تون اوار فائر بریگیڈ نا کاریمی آک تدینی نا جہہ آ سر مسُر و خاخر ئے کھسفنگ نا کوشست کریر۔ اندا وختا بھلو کچ ئسے ٹی لس شاریک ہم ٹرک ئنا خُڑک آ مُچ مسُر۔
کمکی ٹولی نا رد ئٹ خاخر ئے کھسفنگ نا وختا اسہ بھلو تراک ئس مس۔ تراک ئنا دک ئٹ برسہ فائر بریگیڈ نا کاریمی آ بندغ آک و 25 آن زیات شاری ہُشنگِسہ ٹپی مسُر۔
ٹپی آتے بنداوی جانجوڑی کمک کن سول اسپتال نوشکی آ رادہ کننگا۔ اسپتال ئٹ ایمرجنسی خلنگا و ٹپی آتے ودیک جانجوڑی کمک کن کوئٹہ غا رادہ کننگ نا تیاری بناء کننگا۔
جہی حوال تا رد ئٹ ایمبولینس آتا کمبوتی نا سوب آن ناجوڑ آتے راہی کننگ ئٹ ہڑاند مننگ ءِ، و خاہوت آک تینٹ کمکی کاریم تیٹ آختہ ءُ۔
