پاکستانی لشکر و اونا ولفوک ڈیتھ سکواڈ نا دو آن زوراکی ئٹ بیگواہ کننگوک واحد صوالی نا جشوک جون خننگا۔
حوال تا رد ئٹ بلوچستان نا ضلع کیچ ئٹ پاکستانی لشکر نا مُخ تفی ٹی کاریم کروک سلاہ بند ٹولی ڈیتھ اسکواڈ نا کارندہ غاک صوالی نا مار واحد ئے زوراکی ئٹ بیگواہ کریسر ہرادے سخت بیدادی نا گواچی کننگ آن گُڈ کھسفنگانے۔
حوال تروکا تا رد ئٹ صوالی نا مار واحد ہرا ناصر آباد نا جہی ئس اس، 2 جون آ تربت سول اسپتال ئٹ ڈیتھ اسکواڈ نا کارندہ غا تا دو آن بیگواہ کننگاسس۔ دا تدینی نا حوال ئے زرمبش و ایلو میڈیا چینل آک شنگ کرسُر۔
پاننگک کہ واحد آ اِرا دے اسکان سخت بیدادی کننگانے و اوکان پد اودے سم خلِسہ کھسفنگانے۔
خیال ئٹ مرے واحد بلوچ روزگار کن دبئی آ ہناسس و اندا زوت ئٹ چُھٹی آ واپس اُراغا بسس۔
