قلات و مچھ ئٹی بمب تراک آتیٹی ریلوے ٹریک و پاکستانی لشکر ئے ٹک کننگانے۔
بلوچستان ئٹی بیست و چھار ساہت ئٹی چھار تراک مسُنے ـ ہرافتیان مُسہ تراک ئٹی پاکستانی لشکر ئے ٹک کننگانے۔
رسینگوک حوال تا رد ئٹ قلات نا علاقہ جوہان ئٹی مکی نا ہند آ پاکستانی لشکر نا بمب ڈسپوزل اسکوڈ نا چھار پیادہ کارندہ ئے ہمو وخت ٹک کننگا ہراتم او علاقہ ٹی کلئرینس ئٹی اختہ اسُر۔
تراک نا بھرم ٹی لشکری کارندہ آتا کھِنگ و ٹپی مننگ نا حوال ارے۔
ہندا وڑ مچھ و آب گم نا نیام ئٹی ریلوے ٹریک آ تراک ئس مسُنے ہرانا بھرم ٹی اسہ نوکر ئس ٹپی مسُنے و ٹریک ئے نُسخان رسینگانے۔
