حوال تا رد ئٹ نوشکے نا ہند غریب آباد نا خُڑک پولیس نا گشتی ٹیم ئنا گاڑی تیا سلاہ بند بندغ آک جلہو کرینو۔
جلہو نا حوال ئے پولیس پک کرسا پارینے کہ جلہو ئٹی چھار پولیس کارندہ کھسکنو۔
ایلو کنڈ آن نادُرست آ سلاہ بند بندغ آک دشت، کپکپار ئٹی پاکستانی لشکر کن راشن دروکا گاڑی ئے ہُشانو۔
حوال تروک نا رد ئٹ گاڑی ئے ہموتم ہُشنگ مس ہراتم او کپکپار دوراھی آ پاکستانی لشکر نا چوکی کن راشن دننگ ئٹی اس۔
ہڑتُما جلہو تا ذمہ واری ئے دائسکان ہچو تنظیم ئس ہرفتنے۔
