بلوچستان لبریشن فرنٹ نا ترجمان تینا شنگ کروک بیان ئسیٹی پارینے کہ ننا سرمچارک تنظیم نا ڈھکوک وِنگ ئنا کنڈ آن رسینگوک حوال آ 04 جون 2025 آ اسہ کاروائی ئس کرسہ اسسٹنٹ کمشنر تمپ محمد حنیف نورزئی ئے سرینکن نا ہند آ اونا خاہوت، باڈی گارڈ و ڈرائیوار تون اوار دزگیر کریر۔
ترجمان پارے کہ بندغی و اخلاقی اقدار آتے ہُرِسہ سرمچارک اسسٹنٹ کمشنر نا خاہوت ئے آب و شرف ئٹ اونا ڈرائیور و باڈی گارڈ آتیتو اوار اوفتا اُراغا رائی کریر۔ ہندن اسسٹنٹ کمشنر محمد حنیف نورزئی ئے گیشتر پٹ و پول کن تنظیم نا پٹ و پول کروک دھر ئنا حوالہ کننگا۔ تنظیم نا پٹ و پول نا پورو مننگ آن پد تنظیم تینا فیصلہ نا پڑو ئے کرو۔
او ایسر ئٹ پارے کہ نن میڈیا نا ذریعت ئٹ دا پاننگ خواہنہ کہ اگہ دا وخت ئٹی ریاست نا ادارہ غاک اسسٹنٹ کمشنر نا آجوئی کن فوجی یا پین گام ئس ہرفیر تو اونا بھرم و نسخان تا ذمہ وار ریاست مرو۔
