بلوچستان نا ضلع مستونگ اسپلنجی ٹی نادُرست آ سِلاح بند بندغ آک پاکستانی لشکر نا کاروان ئے بمب جلہو ئٹ ٹک کریر و سُمکاری کریر، ہراٹی کیہی کارندہ مرگ ئنا گواچی و ٹپی مسر، اسہ بکتر بند ئس بھس مس۔
حوال تا رد ئٹ سلاح بند بندغ آک بھلو کچ ئسیٹی کاروان ئے گھیرہ کرسا جلہو کننگ اسُر کہ لشکر نا کمک کن بکتر بند لاری بس ہرادے آئی ای ڈی جلہو ئٹی بھس کننگا۔
پدا ہیلی کاپٹر آک جلہو جاگہ غا سر مرسا گشت کریر۔
حوال تا رد ئٹ جلہو ئٹی پاکستانی لشکر ئے جانی نسخان ہرفوئی تمانے ولے کالخواہ تا کنڈ آن دا بارث ئٹ ہچ ہیت مونا بتنے۔
حوال تا رد ئٹ ہند ئٹی بلوچ آجوئی خواہوک سلاح بند تنظیم آک مُست دننگا جلہو تا زمہ واری تہ ہرفسا بسنو ولے دا جلہو نا ذمہ واری ئے دائسکان ہچو تنظیم ئس ہرفتنے۔
