بلوچستان نا ضلع خاران آن اولیکو وار پولیو نا کیس ئس رپورٹ مسنے۔
شابیتی حوال تا رد ئٹ ضلع خاران نا ہندی اِرا سالی ءُ چُناس پولیو وائرس نا گواچی مسُنے، معذوری نا سوب آن چُنا نا ٹیسٹ سیمپلک 25 جولائی آ ہلنگ مسوسُر، ہراٹی پولیو پک مسُنے۔
یاتی مرے کہ بلوچستان ئٹی برجاء سال ئنا 8 تُو ئٹی رپورٹ مروکا دا دوانزدمیکو کیس ءِ۔
پولیو اسٹ آن ایلو ئے لگوکو ناجوڑی اسے ہرا پولیو وائرس نا سوب آن مریک ہرا بنداوی وڑ ئٹ 5 سال آن چُنک سن آ چُنا تے زیمی کیک۔ پولیو نا وائرس اعصابی نظام آ جلہو کیک و فالج یا مرگ ئنا سوب جوڑ مننگ کیک۔
دا وائرس نا ہچو علاج اف، ولے ویکسنیشن کُل آن جواننگا وڑ ئے رکھ ئنا، ہر امیونائزیشن وائرس نا برخلاف چُنا تا دفاع ئے ودیفک، واردما خلنگوکا ویکسین تیوہ جہان ئٹی لکھ آ چُنا تا رکھ ئے کرینے ہراڑان پاکستان و اوغانستان آن بیدس تقریبا تیوہ ڈیہک پولیو آن ساف مسُنو۔
