مائیکرو سافٹ نا تیدری ٹی پاننگانءِ کہ چین،روس و ایرانید ہیکر آک اوفتا یلہ انگا اے آئی نا ٹولز آتے کارمرز کننگءُ تاکہ تینا حدف آتیٹی جوانی ئٹ سر سہُب مریر۔
مائیکرو سافٹ نا رد ئٹ اوفک روسی ملٹری انٹیلی جنس،ایران نا پاسداران انقلاب ،چین و شمالی کوریا نا حکومت آتون اوار انگا ہیکنگ گروپ آتا ہر کاریم ئے ہُننگءُ،دا کُل گروپ آک جدید زبان نا ماڈل آتا کارمرزئے کرسہ تینا ہیکنگ مہم آتے جوان کننگ نا
کوشست کننگءُ۔
مائیکرو سافٹ نا نائب صدر برائے کسٹمر سیکیورٹی ٹام برٹ تیدری شنگ کننگ آن مُست پاریسس کہ نن خوائپنہ دا گروپ آک قانونی جیڑہ یا سروس نا شرط آتا خلاف ورزی کرسا دا ٹیکنالوجی ئے سر مریر۔
روس،شمالی کوریا و ایرانی سفارتی کالخواہ آک دا دوبہ آتے رد کریر۔
چین ئنا امریکی سفارت خانہ نا جارکش لیو بینگیو دا دوبہ آتے بے بنیات کرسا پارے کہ دا چین ئنا برخلافءِ و اے آئی ٹیکنالوجی نا قابل بھروسہ و کنٹرول کارمرز مرے۔
