“قلات نا خوانندہ غا تتون سلوک اُن و اوفتا خواست آتا مخ تفی ئے کینہ” بلوچ اسٹوڈنٹس ایکشن کمیٹی۔
بلوچ اسٹوڈنٹس ایکشن کمیٹی نا ترجمان تینا بیان ئٹی پارینے کہ قلات ئٹی خوانندہ غا تا جائز ویل آتِہ ایسر کننگ نا جاگہ غا اوفتتون بدو روشت تخنگ بھاز افسوس نا ہیت ئس ءِ۔ پوسٹ گریجویٹ کالج قلات نا خوانندہ غا تا کنڈ آن کالج ئٹی خواننگ نا آسراتی تا وے مننگ نا برخلاف برانز آ خوانندہ غا تِہ فریشان کننگ افسوس نا ہیت ئس ءِ۔
او پارے کہ انتظامیہ خوانندہ غا تا جائز خواست آتِہ منّسہ اوفتا ویل آتِہ ایسر کننگ نا جاگہ غا خُود سری کننگ ءِ دا ورنا تا حق ئے خلنگ نا ہیت ئس ءِ کہ بلوچ خوانندہ غاک ہر بروکا دے تینا خواننگ نا بنداوی حق آتیکن برانز کیرہ ہرا حکومتی بے لائخی و بے سوبری ئے پھاش کیک۔
ترجمان ودیک پارے کہ، بلوچ اسٹوڈنٹس ایکشن کمیٹی بلوچ خوانندہ غا تتون ہمکوپہ سلوک ءِ و محکمہ تعلیم تون اوار ضلعی انتظامیہ آن خواست کینہ کہ او خوانندہ غا تتون جوان روشت تخسہ اوفتا جائز خواست آتِہ منّیر۔
