بلوچ یکجہتی کمیٹی (بی وائی سی ) نا نیمہ غان بلوچستان نا بنجائی شار شال ئٹی درو بلوچستان یونیورسٹی نا مونا برانز نا ہند آ جک کننگوک بلوچ زنک کشی نا چیندہ نا تختی ئے شام ئنا ریاستی ڈکھوک ادارہ غاک پرِغار۔
تختی ئے پرغنگ نا عمل ئے جبر ئنا مایوس کروک کاروائی ئس پارِسہ بلوچ یکجہتی کمیٹی بی وائی سی نا جارکش چاگڑدی حوالکاری تلہ ایکس آ تینا اسہ پوسٹ ئسے ٹی پارے کہ بلوچستان یونیورسٹی نا مونا برانز نا جاگہ غا جک کننگوک “بلوچ زنک کشی نا چیدہ “ ئے ریاستی ادارہ غاک شام ئنا ہُرے آ پِرغار۔
بیان ئٹی پاننگ مس کہ دا یاتگار، ہراڑان زنک کشی و ظلم آن زیمی مروکا تے دروت ندر تننگ مس، دا دڑدی آ تاریخ ئے ڈھرفنگ نا کوشست ئٹی تباہ کننگا۔
بیان ئٹی پاننگ مس کہ دا چیدہ نا تباہی بیرہ اسہ یاتگار ئسے آ جلہو اف بلکہ بلوچ راج ئنا اشتماعی یات ئنا بےشرفی ءِ۔ ننا یاریخ ئے گوئنگ نا دا لغور آ کوشست آن پد ہم انصاف نا ہلنگ اسکان سلوک مرون۔ دہن آ گام تے آن بلوچ راج ئنا جوزہ ئے پرغنگ مفک۔ نن پدا جوڑ کرون تہ، نن یات تخون، و نن تینا مخلوق تون مروکا بےدادی تا ورندی ئے خواہِنہ۔
