بلوچ نیشنل موومنٹ نا شنگ مروکا درشان نا رد ئٹ پارٹی نا جنوبی کوریا چیپٹر بوسان نا بف اسکوائر آ برانز کرے، اراٹی پاکستانی ریاست نا نیمہ آن بلوچ راج آ مروکا بندغی حق آتا بے کچ لتاڑنگ نا سخت مذمت کننگا۔
برانز ئنا وخت ہندی بندغ آتیٹی پمفلٹ بشخنگا۔
برانزی تیٹی بختاور بلوچ ہیت کرسا پاکستانی لشکر نا قوضہ نا برخلاف بلوچ راج ئنا بھلا جدوجہد ئے بیان کرے۔ کورین زبان ئٹی ہیت کرسا او پارے کہ پاکستانی لشکر نا ہفتاد ءُ پنچ سال ئنا بلوچستان آ برجاء انگا قوضہ آن نن جوان پوہ اُن، قوضہ نا اولی دے آن بلوچ راج سخت انگا حالت آتے مون تننگءِ، پاکستانی لشکر نا دو آن نسل کشی افسوسناکءِ۔ بلوچستان ئٹی زوراک آ پاکستانی لشکر زالبول، خوانندہ،دانشور،انجینئر،ڈاکٹر،سیاسی باسک، لیڈر و داڑسکان کہ شوان تیتون اوار ہزار آتا کچ ئٹ بلوچ شہری تے برمتہ و بیگواہ کننگانے۔
ہندی بندغ آن بلوچ راجی جیڑہ نا بابت ئٹ چائنداری آن پد برانز ئنا بشخ ہلکُر۔ حفصہ بلوچ،سمیر بلوچ و آغا فیض و ایلو ہیت کروک آج بلوچستان نا اینو نا حالیت آ ہیت کرسا پاکستانی لشکر نا نیمہ آن بندغی حق آتے لتاڑنگ نا مذمت ئے کریر۔
برانز ئنا ایسر آ برانزیک بف اسکوائر نا نیمہ آ گام خلکُر و بلوچ راج آ مروکا انصافی تے پاش کننگ کن نعرہ خلکُر۔
