بلوچ نیشنل موومنٹ نا چیئر مین ڈاکٹر نسیم بلوچ سوشل میڈیا نا پلیٹ فارم ایکس آ تینا اَسہ ٹوئٹ ئسیٹی نوشتہ کرے کہ دے کہیلنگ بلوچستان نا ہند حق آ باد ئٹی پاکستان نا میزائل جلہو ئٹی شہید مروکا بی این ایم نا باسک دوست بلوچ ، اونا زائیفہ ، چُنا و نجمہ ئے خراج تحسین ندر کینہ ۔
او پارے کہ اوفک باہوٹی اسُر پاکستانی لشکری زوراکی تہ سوب آن تینا باوہ پیرئی آ ہند پروم ئے اِلار ۔ اینو اوفتا سلاہ بند تنظیم آتا لیبل خلیسہ بے دردی ئٹ شہید کریر ،ہرا پاکستان نا نیمہ آن تینا میار آتے ڈھکنگ نا اَسہ حیلہ ئسے ۔
بی این ایم نا چیئرمین پارے کہ زالبول ،چُنا و لس بندغ آ تیتون اوار معصوم انگا ساہ آ تا ضیاع اُست ہسونی ئسے ۔ پاکستان نا احتساب کننگ مرے ۔ تیوعہ آ جہان ئٹی بلوچ مہاجر آتا رکھ اکن نن یو این ، یو این ایچ سی آر و جہانی مخلوق آتیان وار وار خواست کرین اُن ولے ہچو دیہان ئس تننگ متنے ، اینو نا تدینی بے توار آ ہروکا بندغ آتے بش کننگ نا سوب جوڑ مرے۔
