تدوکا دے بلوچ یکجہتی کمیٹی نا نیمہ آن اڈ مروکا ریلی ٹی اوار مروک آتا سرکار ایف آئی آر کرینے ۔
مقدمہ سئے شمبے نا دے آ گْوادر و پسنی ٹی بلوچ یکجہتی کمیٹی نا برانز ئنا مُسٹمی دور آ اواری کن کشوک آ ریلی نا برخلاف پولیس نا موجودگی ٹی کننگا و کیہی بندغ آتے مقدمہ ٹی اوار کننگا ۔
مقدمہ ٹی برانزیک ریاست نا برخلاف نعرہ بازی و بندغ آتے ریفنگ نا دوبہ اوار ءِ ۔
ہندُن خضدار ئٹی اسلام آباد برانز ئٹی اوار بیگواہ آ آصف و رشید نا ایڑ سائرہ بلوچ تون اوار بیگواہ آ سلمان بلوچ نا ایڑ سعدیہ بلوچ نا برخلاف مقدمہ کننگانے ۔
یاتی مرے کہ دا اولی وار متنے داکان مُست بلوچستان نا کیہی ہندا تیٹی ، سندھ و پنجاب ئٹی بلوچ نسل کُشی نا برخلاف مروکا لانگ مارچ ٹی اوار مروک آتا زی آ ایف آئی آر کننگانے ۔
