بلوچستان ئٹی زوراکی نا بیگواہی تا چرجوئی سلتو، گوادر و ڈیرہ بگٹی آن زوراکی نا بیگواہی تا پین اِرا کیس مونا بسنے۔
شابیتی حوال تا رد ئٹ ڈیری بگٹی آن پی پی ایل نا نوکر حیدر ولد جاگو (باخلانی) بگٹی ئے پاکستانی لشکر نا بندغ آک سوئی ٹی بگٹی کالونی آن زوراکی ئٹ بیگواہ کریر۔
ہندن بلوچی زبان نا شاعر و ادیب بل نگور نا ہندی عابد ادیب نا چنک سن آ مار عبداللہ عابد ئے زری شار گوادر آن سلاہ بند بندغ آک بیگواہ کرینو۔
خاہوت نا رد ئٹ عبداللہ چنک سن ءِ و اسکول ئٹی خواننگ ءِ، گوادر پولیس تون اونا بیگواہی و دزگیری نا رپورٹ ئے درج کننگانے ولہ داسکان پولیس اودے آجو کننگ ئٹی بے سوب مسنے۔
یات مرے کہ گوادر آن اسہ ہفتہ ٹی داسکان پنچ چنکو چنا جتا وخت آتیٹی پاکستانی لشکر بیگواہ کرینے۔
