سی پیک روٹ آ پاکستانی لشکر نا لاری تہ قافلہ تون اوار اَسہ لاری سے بمب جلہو نا نشانہ کننگا۔
حوال آ تا رد ئٹ بلوچستان نا ضلع کیچ ئنا ہند سامی ٹی سی پیک روٹ آ پاکستانی لشکر نا قافلہ آ نا دُرست بندغ آک کریر ۔ تراک ئنا زد ئٹی اَسہ لاری ئس بس ہراٹی پاکستانی لشکر ئے جانی و مالی نسخان ہرفوئی تمانے ۔
ہندی حوال آتا رد ئٹ جلہو پنڈوکی کور نا ٹک آ سی پیک روٹ آ مس ، جلہو آن پد پاکستانی لشکر ناکہ بندی کرسا کسرئے ہن و بر اکن بند کرے ۔
حالخواہ آک نسخانات آ تا حوال ئٹ دائسکان ہچو حوال ئس مونی ہیتنو ۔
ہنوکا دے تیٹی کیچ ئنا ہند بلیدہ ئٹی پاکستانی لشکر آ اَسہ جلہو ئسیٹی پنچ کارندہ خلنگاسُر ، اسہ میجر تون اوار اِرا کارندہ ٹپی مس اُسُر ۔ جلہو نا ذمہ واری ئے بلوچستان لبریشن فرنٹ ہرفیس ئس ۔
چار دے تیٹی بلوچستان نا جتا جتا انگا ہند تُربَت ، جھاؤ و خاران ئٹی پاکستانی لشکر و الیکشن پروگرام آتے نشانہ کننگانے، دا جلہو تہ گیشتری ذمہ واری تے بلوچ سلاہ بند آجوئی خواہوک تنظیم آک ہرفسا بسنو واہم اینو نا مروکا جلہو نا ذمہ واری ئے دائسکان ہچ تنظیم ئس ہرفتنے ۔
