بلوچستان نا ضلع قلات نا علاقہ منگچر نا ہند گزنائی ٹی نادرست آ سلاہ بند بندغ آک بنجائی کسر ئے تفیر۔
حوال تروکا تا رد ئٹ سلاہ بند بندغ آک بھلو کچ ئسیٹی کسر ئے تفِسہ ہنوک بروک اُلاخ آتا پٹ ئہ پول ئے کریر۔ اندا نیامٹ سلاہ بند بندغ آک سیندک آن مڈی دروکا لاری تیا راکٹ و ایلو بھلا سلاہ تیٹ جلہو کریر۔
ایلو کنڈ آن بولان نا علاقہ ڈھاڈر ئٹ نادرست آ بندغ آک استو پولیس تھانہ غا جلہو کریر۔ جلہو ئٹ دائسکان ہچ وڑ ئنا جانی نسخان تا حوال اف۔
تومکا جلہو تا ذمہ واری تے دائسکان ہچو تنظیم ئس ہرفتنے۔
