بلوچ آزادی خواہوک مُہبر چیئرمین خلیل بلوچ پارے کہ اینو شاری بلوچ نا شہیدی نا دے ءِ، شاری بلوچ اسہ خوانندہ نیاڑی و اِرا چُنا نا لمّہ اس، ولے او تینا ذاتی زند و اُست خواہی تِہ اسہ نیمہ غا تخِسہ وطن دوستی ٹی تینا ساہ ئے ندر کرے۔ شاری بلوچ تینا زند ئے ڈیہہ آ ندر کرسا چینی و پاکستانی حکومت آتِہ پھاش کلہو تس و دیہاڑ نوشتہ کرے۔
او پارے کہ بلوچ نا ہمو دیہاڑ ہراٹی پھاش لوز آتیٹ بیان کننگانے کہ بلوچ نیاڑیک نزور افس و او ہچ حال ئٹ غلامی ئے سگپسہ۔ شاری بلوچ نیاڑی تِہ کلہو تس کہ جہد و قربانی تننگ بیرہ نرینہ غا تا کاریم اف بلکہ بلوچ زالبول آک دا جہد ئٹی تینا نرینہ غاتتون اوار اوفتتو ہم کوپہ سلوک ءُ۔
اونا پاننگ اس کہ اینو نا دے دا ہیت ئے تازہ کیک کہ جنگ دائسکان برجاء ءِ، شاری بلوچ و ایلو غُٹ شہید آتیان پد ننا فرض ءِ کہ دا جہد ئے بلوچستان نا آجوئی اسکان برجاء تخن۔
