بلوچستان نا ضلع قلات نا علاقہ کپوتو ٹی کسر آ کڈ کروک بمب ئنا ترخنگ آن جمعیت علمائے اسلام ( ف ) نا راہشون مولانا عبداللہ نیچاری تون اوار چھار بندغ کھسکُر اندن پنچ بندغ بھاز ٹپی مسنو۔
لیویز آن رسینگوکا حوال تا ردئٹ تراک کسر نا کرک آ کڈ کروک آئی ای ڈی بمب ئنا زریعت ئٹ مسنے۔
تراک ہمو وخت مس ہراتم زیمی بندغ آک گاڑی کپوتو نا ہند آن گدرینگ اس۔ تراک ئنا سوب آن گاڑی تیوہ وڑ ئٹ بھس مسُنے۔
کہوک آتیٹ اِرا زالبول و اسہ چُنا ئس ہم اوار ءِ۔ غٹ ٹپی مروک آتے کمک کن ڈی ایچ کیو اسپتال آ دننگا، ہراکان گُڈ اوفتے کوئٹہ غا ریفر کننگانے۔
تدینی آن گڈ فورسز کارندہ غاک علاقہ ئے گھیرہ کرِسہ پٹ و پول نا بناء کریر۔
