بلوچستان نا ضلع نوشکی و خاران و قلات ئٹی پاکستانی لشکر نا لشکر کشی برجاء ءِ، زمینی لشکر و ہیلی کاپٹراک لشکر کشی ٹی بشخ ہلنگ ءُ۔
اینو سُہب ئنا نوشکی و خاران نا مش تیٹی پاکستانی لشکر نا کاروانک خننگانو۔
جہی حوال تِروک آتا رِد ئٹ لجے ٹی پاکستانی لشکر اسِہ چوکی ئس جوڑانے، بڈو نا ڈور ئٹی ہم گھامگیج کننگ ءِ، گن شپ ہیلی کاپٹراک ہم لشکر کشی ٹی بخش ہلنگ ءُ۔
لشکر کشی ٹی دائسکان ہچو دزگیری یا جانی و مالی نسخان نا حوال اف، انتظامیہ نا کُنڈ آن لشکر کشی نا بارو ئٹ ہم حوال تننگ متنے۔
یات مرے درو نوشکی ٹی پاکستانی لشکر نا کاروان ئٹی اِرا بس آ جلہو کننگاسس۔
دا جلہو نا زمہ واری ئے بلوچ لبریشن آرمی ہرفیسس و پاریسس کہ بی ایل اے مجید برگیڈ نا اسِہ فدائی ئس جلہو کرینے ہراٹی ایس ٹی او ایس ہم بشخ ہلکنے۔
