بلوچ نیشنل موومنٹ ( بی این ایم) زوراکی نا بیگواہ تا ویل آ جنیوا ٹی مروک اولیکو جہانی کانگریس ئٹ بشخ ہلو۔ ہرا 15 آن 16 جنوری 2025 ئسکان اڈ تننگ مرو۔
دا مُچی نا وخت آ اسہ ٹینٹ ئس خلنگ مرو ہراٹی عکس آتیٹ کوزہ مروک بلوچستان ئٹی پاکستانی لشکر نا دو آن زوراکی ئٹ بیگواہ کننگوک بندغ آتا بارث ئٹ سرپندی تننگ مرو۔
بی این ایم نا نمائندہ غاک کانفرنس سیشن تیٹی بشخ ہلور، ہراڑے اوفک زیمی مروک بندغ آتا و اوفتا خاہوت آتا تاثر آتِہ نشان ترسا انصاف و ورندی کن توار بُڑز کرور۔
دا کانگریس اوڑدئی ئٹ زوراکی نا بیگواہی تا برخلاف کنونشن (سی ای ڈی آئی)، اقوام متحدہ نا زوراکی نا بیگواہی تیا جوڑ مروک کمیشن (سی ای ڈی) زوراکی و کس ئنا رضا آن چپ زوراکی ئٹ برمتہ غا تیا اقوام متحدہ نا ورکنگ گروپ (وی جی ای آئی ڈی) و اقوام متحدہ نا بندغی حق آتا دفتر (او ایچ سی ایچ آر) نا اواری ئٹ اڈ تننگ ءُ۔
