بلوچستان نا ضلع کیچ ئنا علاقہ تمپ و عبدوئی آن اِرا جون خننگانے۔
تمپ ئنا ہند میر آباد کسر زان کرولا اُلاخ آن اسہ جون ئس خننگانے، انتظامیہ جون ئے دوئی مرسا پٹ ئہ پول بناء کرینے۔
ایلو پارہ غان عبدوی بارڈر آن یک شمبے نا شام اسہ بندغ ئسے نا جون خننگانے ہراڑا سُم تا ٹپ ارے۔
دائسکان ہڑتُما جون تا چاہنداری متنے۔
یاتی مرے کہ منہ دے مُست بلیدہ گلی آن زوراکی ئٹ بیگواہ کننگوک بندغ آتیکن توار بڑز کروک نوید پنیئو ورنا ئسے نا جون اُلاخ آن دو تماسس۔
