بلوچستان نا ہند ڈیرہ بگٹی نا علاقہ سنگسیلہ ٹی سلاہ بند بندغ تا نیامٹ جنگ ئنا حوال ءِ، سُمکاری آن اَسہ بندغ ئس خلنگا و مُسہ بندغ تا ٹپی مَننگ نا حوالءِ۔
لیویز کالخواہ تا رد ئٹ ڈیرہ بگٹی نا ہند سنگسیلہ ئٹ سلاہ بند بندغ آتا سُمکاری آن زمین تیا کاریم کروکو اِرا بندغ ٹپی مسُر۔
اِرٹنگا ٹپی تا چاہنداری امید علی نا مار ارسلان و مراد علی نا مار نصراللہ ڈومب بگٹی نا پِن ئٹ مسُنے۔
ٹپی تے سول ہسپتال ڈیرہ بگٹی آ درینو ہرانگا ٹپی تا حالیت خطرہ آن پیشن ءِ۔
ایلو کُنڈا ہندی حوالکار تا دعوٰی ءِ کہ سنگسیلہ ئٹ جھڑپ بلوچستان نا کٹھ پتلی وزیراعلی سرفراز بگٹی و پاکستانی لشکر نا مُختفی ڈیتھ اسکواڈ و بلوچ آجوئی خواہوک آتا
نیامٹ مننگءِ جنگ ئٹی اسہ سرکاری مُختفی ءُ اَسہ کارندہ ئس ہم خلنگانے۔
واہم دا پک مَننگ کتنے و نہ دا تدینی نا حوالہ ئٹ حکومتی و عسکری حوالکار تا موقف مونی بتنے و نہ ہی کس تنظیم دا تدینی نا زمہ واری ئے ہرفینے ۔
ہندی حوالکارآک دعوی کرینو کہ ہندا تدینی ہموتم مس اَراوخت سرفراز بگٹی و ریاستی مُختفی ڈیتھ اسکواڈ نا کارندہ غاک بے گناہ و غریب ہندی بندغ آتے بیدادی نا نشانہ کرسا اوفتے ٹپی کریر۔
ہراکان پدا بلوچ آجوئی خواہوک آک ریاستی حمایت یافتہ سلاہ بند بندغ آتا کسر ئے توریر و اوفتا سُمکاری آن تومکا نیمہ غا تیان جھڑپ مسُنے۔
ہندی حوالکار تا دعوی نا رد ئٹ جھڑپ و سُمکاری ئٹ ریاستی ڈیتھ اسکواڈ نا اَسہ کارندہ ئس کھسک و اَسٹ ئس ٹپی مسونے۔
