کیچ ئنا علاقہ پاگتر ئٹ سلاہ بند بندغ آک پاکستانی لشکر نا اِرا چوکی ئے جتا جلہو تیٹ ٹک کرینو۔
حوال تا رد ئٹ بلوچستان نا ضلع کیچ ئنا علاقہ بالگتر ٹی سلاہ بند بندغ آک درو ننکان ہشت بجہ غا چمگ و گڈگی واٹر سپلائی ٹی ساڑی پاکستانی لشکر نا اِرا چوکی جلہو ئٹ ٹک کرینو۔
جہی حوال تروک آتا رد ئٹ بیست منٹ اسکان علاقہ ٹی سخت سمکاری و تراک آتا توار بِننگ مسنے۔
حوال تا رد ئٹ جلہو ئٹ پاکستانی لشکر ئے سخت نسخان تون مون تروئی تمانے واہم جلہو نا ذمہ واری ئے دائسکان کس ہرفتنے۔
