حوال تا رد ئٹ بلوچستان نا بنجائی شار شال آن پاکستانی لشکر اِرا تو مُست 5 ستمبر آ اسہ خوانندہ ئس زوراکی ئٹ بیگواہ کرینے۔
بیگواہ کننگوک مار ئنا چاہنداری جمعہ خان نا مار عطاءاللہ نا پن ئٹ مسنے ہرادے اونا اُرا کلی جمعہ خان آن زوراکی ئٹ بیگواہ کننگانے۔ ـ
بیگواہ کننگوک خوانندہ ہشتمی جماعت ئٹی خواننگ ئٹی مسُنے۔ ـ
سیاسی و چاگڑدی کاریم کروکا تا پاننگ ءِ کہ بیگواہ کننگوک ورنا نا خاہوت بھلو وخت ئسے آن ریاست نا زوراکی تا گواچی ءِ، اونا خاہوت آن محمد علی چپر ئے قلات آن پاکستانی لشکر زوراکی ئٹ بیگواہ کرسہ کھسفیسس۔
خاہوت راج آن خواست کرینے کہ اوفتا چُنا نا آجوئی کِن توار بڑز کیر۔
