اِرا دے مُست خاران آن پاکستانی لشکر نا دو آن زوراکی ئٹ بیگواہ کننگوک عبید اللہ تگاپی نا زوراکی نا بیگواہی نا برخلاف خاہوت نا کنڈ آن برازی ریلی ئس کشنگ مس اوکان پد خاہوت ریڈ زون آ تولوک برانز بناء کرے۔
او پاریر کہ ایسکان عبید اللہ آجو متنے نن تینا برانز ئے برجاء تخون۔
برانزی ریلی ئٹ سیاسی و چاگڑدی باسک آک، زوراکی ئٹ بیگواہ کننگوک بندغ آتا خاہوت آک و الس بھلو کچ ئسیٹی اوار مس۔
برانزی تِہ زوراکی ئٹ بیگواہ کننگوک بندغ آتا عکس آک تُد اسر و اوفتا آجوئی نا خواست کریر و زوراکی نا بیگواہی تا برخلاف نعرہ خلکر۔
او پاریر کہ عبید اللہ ئے سی ٹی ڈی و ڈھکوک ادارہ غا تا کارندہ غاک 20 اکتوبر آ میزان بینک ئنا مون آن زوراکی ئٹ بیگواہ کرینو۔
او پاریر کہ کُل فکری تپہ آتیان تعلقداری تخوکا بندغ آک بریر و ننا برانز ئٹ اوار مرسا عبید اللہ تگاپی نا آجوئی کن ننے کمک کیر۔
