پوسٹ گریجویٹ کالج قلات ئٹی لیکچرار آ تا کمتی، کتاب، انٹرنیٹ و ایلو بنداوی آسراتی تا وے مننگ و پرنسپل نا برخلاف خوانندہ غاک برانز کریر۔
خوانندہ غاتا پاننگ اسک کہ قانودی وڑ ئٹ اسہ پرنسپل نا وخت 3 سال مریک ولے ساڑی آ پرنسپل ڈگری کالج قلات نا ہفت سال آن داڑے مننگ عٹکل آن پیشن ءِ۔
اوفتا پاننگ اسک کہ ساڑی آ پرنسپل ئے پین جاگہ ئس راہی کننگ مرے ہراکہ کالج نا کل ویل آتا زمہ وار ءِ۔
اوفتا پاننگ اس کہ بی ایس پروگرام کن 35 نا خڑک لیکچرار تا کمتی کالج انتظامیہ نا مون آ چامپٹ ئس ءِ۔ خوانندہ غاک پین لیکچرار ہتنگ آ زور ترسا پاریر کہ خڑک ئنا علاقہ تیان کالج ئٹی پین لیکچرار ہتنگ مرے تانکہ کلاس آک وغداری ئٹ مریر۔
خوانندہ غاک پاریر کہ اوفک جتا قانودی کسر، کالج نا ویل آتِہ سیکرٹری ایجوکیشن، ایجوکیشن منسٹر، ڈسٹرکٹ انتظامیہ نا کرّ انگا خف تے اسکان سر کننگ نا کوشست کرسا کرینون۔
خوانندہ غاک کالج انتظامیہ نا برخلاف نعرہ خلِسہ پاریر کہ کالج ئٹی پوسکنو لیکچرار نا ہتنگ، پرنسپل ئے بدل کننگ ئے یخینی کننگ مرے ہلہ آنہہ گڑا آر سی ڈی کسر قلات ئے ہن ءَ بر کن ملوفن۔
خوانندہ غاک انتظامیہ نا مونا دا خواست آتِہ تخانو
1) ساڑی پرنسپل ئے زوت بدل کننگ مری
2) پین لیکچرار ہتنگ مرے
3) کالج ئٹی کتاب، بجلی و انٹرنیٹ فراوان کننگ مرے
