بلوچستان نا صنعتی شار حب چوکی آن پاکستانی لشکر نا دو آن مُسہ بندغ دزگیری آن گڈ بیگواہ کننگانو، اندن پنجاپ آن بیگواہ کننگوک اِرا بلوچ خوانندہ آجو مسنو۔
حوال تا رد ئٹ اینخو 26 ستمبر آ امیر احمد نا مار شبیر احمد، ہرا اسہ رکشہ ڈرائیور ئس ءِ، اشوک پمپ ئنا خڑک آن پاکستانی لشکر نا دو آن زوراکی ئٹ بیگواہ کننگانے۔
اندن نذیر احمد نا مار آفتاب، ہرا اسہ ٹرک کلینڈر ئس ءِ و راشد علی ہرا اسہ موٹرسائیکل مکینک ئس ءِ، 29 ستمبر آ ساکران روڈ حب آن پاکستانی لشکر نا دو آن بیگواہ کننگانو۔
حوال تروکا تا رد ئٹ ہر مُسہ بندغ سیالی ٹی الہ مار ءُ و امیر آباد نا جہی ءُ۔
ایلو کنڈ آن پنجاب لاہور یونیورسٹی نا خوانندہ دیدگ بلوچ و شمریز آجو مسنو۔
