بلوچستان نا ضلع نوشکی، کیچ ئنا علاقہ زامران ئٹی سلاہ بند بندغ آک پاکستانی لشکر نا اِرا چوکی تِہ جلہو ئٹی ٹک کرینو۔
شابیتی حوال تا رد ئٹ نوشکی زرین جنگل نا ٹک آ جوڑ مروکا لشکری پوسٹ آ سلاہ بند بندغ آک جلہو کرینو۔
اندن ضلع کیچ ئنا ہند زامران دشت ڈمبان ئٹی منَہ وخت مُست جوڑ مروکا چوکی آ نادُرست آ سلاہ بند بندغ آک جلہو کرینو۔
جلہو ئٹی پاکستانی لشکر ئے جانی و مالی نسخان رسینگ نا حوال ءِ۔
ہندی حوال تا رد ئٹ جلہو آن پد سخت سُمکاری و تراک آتا توار بننگا۔
گڈیکو حوال اسکان جلہو تا زمہ واری تِہ ہچو تنظیم ئس ہرفتنے۔
