بلوچستان لبریشن فرنٹ نا ترجمان میجر گہرام بلوچ تینا شنگ کرورک بیان ئٹی پارے کہ تدوکا مُسہ دے آن بی ایل ایف نا سرمچار آتا، ریاستی مُخ تفی ٹی کاریم کروک ڈیتھ اسکواڈ نا برخلاف آپریشن مُچا نن برجاء سلیس ہراٹی پین کیہی کارندہ مرگ ئنا گواچی مسر، و دشمن نا برخلاف چھڑپ آتا لڑ ترندی ئٹ دائسکان برجاء ءِ۔
اونا پاننگ اس کہ دا آپریشن ریاست، ریاستی ڈیتھ سکواڈ، ریاستی ڈیجیٹل خونی، سرفراز بگٹی نا مونا اسہ چھپانٹ اسے ہرا سوشل میڈیا و الیکٹرانک میڈیا ٹی بلوچ قومی تحریک ئے منَہ بندغ نا کارستانی پائک و دا تاثر ایتنگ مریک کہ بلوچستان ئٹی امن ءِ۔
او ودیک پارے کہ بلوچستان اسہ جنگ زدہ علاقہ اسے ہرا بلوچ قوم ئنا سر زمین ءِ، بلوچ قوم تینا ڈغار آ ریاستی دہشتگردی، ریاستی بھلنی ٹی چلوکا ڈیتھ سکواڈ و ڈیجیٹل خونی تا ٹولی تون اوار ہچو ریاستی منصوبہ نا اجازت تفرو۔
او ایسر ئٹ پارے کہ آپریشن جتا علاقہ آتیٹ ترندی ئٹ برجاء ءِ، شابیتی حوال زوت میڈیا غا شنگ کننگو۔
