گریشہ خضدار آن بیگواہ بندغاتا خاہوت آک و انتظامیہ نا یام ئٹی مذاکرات آن پد دھرنا پدتخنگا۔
مذاکرات ئٹی پاننگا کہ ننا بندغاتہ یلہ کننگہ اگہ ریاست ہندا پائک کہ اوفتا ڈوہ ئس ارے تو اوفتہ تینا عدالت آتا ہتنگہ۔ ننا بندغاک اَرا ادارہ تون ءُ ننے او ادارہ نا پِن و ننا بندغاتا رکھ ئنا زمہ واری تننگہ۔
اے ڈی سی خضدار رحمت اللہ بلوچ نوشتہ ئٹ معاہدہ کرے کہ اگہ پنچ دے اسکان دا معاہدہ آتا کاریم متو تو دا نا زمہ وار انتظامیہ، مذاکراتی دستہ و خاص وڑٹ اے ڈی سی مرو۔
آخر ٹی مخلوق تینا ہیت ئے تخا و پارے کہ اگہ پنچ دے نا تہہ ٹی ننا بندغاتہ پھاش کتّوس تو نن ولدا کسر تا تُولون۔
یات مرے کہ پاکستانی فوج ہژدہ جولائی آ گریشہ آن شاہ جان/سلیم، گوہر دین/خیر جان، مہم/لال بخش، میار/لال بخش، محمد عارف/عبدالرحمن، منیر/سبزو تون اوار گِڑاس بندغ ئے ہلکس بیگواہ کریسس، ہرانا برخلاف خاہوت آک برانز نا پڑو کریسُہ۔
