بلوچ آجوئی لشکر (بی ایل اے) نا جارکش جیئند بلوچ پارے کہ سرمچاراک اِستو اسکلکو قلات ئٹی پاکستانی فوج ئنا بھلا کیمپ و اونا ڈن ئنا چوکی تا جہلو کریر ہراڑے کم ءَ ود یانزدہ دشمن کارندہ خلّنگار و گڑاس ٹھپی مسّہ۔ سرمچاراک دشمن فوج ئنا بھلا کیمپ و ڈن ئنا چوکی تا سرسوبی ئٹ کوزہ کریر و اوفتِہ بھلو کچ ئس دشمن فوج ئنا سِلا و بارود دُو ٹی تمّا۔
جلہو نا بِنا اِستو دہ ءَ نیم آ مس، بلوچ آجوئی لشکر نا سرمچاراک دشمن فوج آ بھاز کُنڈ آن اسہ وخت آ لانچر و ایلو بھلا سِلا تیٹ جلہو کریر، ہندن بی ایل اے فتح اسکواڈ دشمن تون مون پہ مون جنگ کرسہ اسہ گھنٹہ نا تہہ ٹی ڈن ئنا اِرا چوکی ئے کوزہ کرے۔
بلوچ سرمچار ہرافتیٹ فتح اسکواڈ و اسپیشل ٹیکٹیکل آپریشنز اسکواڈ (ایس ٹی او ایس) نا دستہ آک اوار اسّہ، چائنداری ئٹ مون آ ہنسہ بھلو جنگ ئسے آن پد دشمن نا بھلا کیمپ ئے ہم کوزہ کریر۔ سرمچاراتا مون آ بنّنگ ئے خنسہ غُٹ دشمن کارندہ آک تینا سِلا و گِڑاتِہ الّار نرّار۔ بی ایل اے نا سنائپز دستہ نرّوکا دشمن کارندہ آتا پد ئٹ تمّسہ کم ءَ ود یانزدہ دشمن کارندہ ئے جاگہ آ خلک۔ بی ایل اے نا سرمچاراک دوانزدہ گھنٹہ اسکان دشمن نا کیمپ ئے کوزہ ٹی توریر و دشمن نا غُٹ سِلا و بارود آتِہ دُوئی کریر۔ دشمن نا کیمپ ئنا بھلو بشخ ئس ہُشار۔
دا جاگہ آ اینو سُہب ئنا کمک کن بروکا دشمن فوج ئنا بکتر بند و ہیلی تِہ بلوچ سرمچاراک ٹِک کریر و نرّفیر تا، اوکا پد غُٹ سرمچاراک سلامتی ئٹ تینا رکھ ئنا جاگہ آتِہ سرمسّہ۔
دشمن نا اسکلکو کیمپ پاکستان پیٹرولیم لمیٹڈ نا کاریم تیک قلات ئٹی لُٹ و پُل نا منصوبہ آتا رکھ ئکن جوڑ کروکے۔ پی پی ایل دا علاقہ ٹی تیل و گیس پٹّنگ نا چم ئٹ بلوچ وطن نا مال و مڈّی تِہ لُٹ و پُل نا نیت آ بروکے۔ بلوچ آجوئی لشکر بلوچ مال و مڈی تا لُٹ و پُل ئے اسُل منّوف، نن پی پی ایل ئے سہی کینہ کہ او تینا لُٹ و پل نا منصوبہ آتِہ زُو ئس بند کرسہ بلوچ مال و مڈی تِہ دُزّنگ آن دُو ہفّہ۔ ننا درو نا جلہو ئے خبردار کننگ ئس پُہہ مرے۔ اگہ پی پی ایل دا لُٹ و پُل نا منصوبہ آتِہ بند کتّو تو ننا بروکا جلہو آک کمپنی نا سائٹ آ پین سوگوی ئٹ مرور۔
