چمن شار ئٹی حالیت آک دائسکان خراب ءُ، تیوہ شار ٹی ہڑتال، ڈی سی کمپلیکس تون اوار کُل سرکاری دفتر آک بند ءُ۔
سرحدی شار چمن ئٹی مسٹمیکو دے ہم ہڑتال برجا ءِ ایلو نیمہ آ ڈی سی کمپلیکس تون اوار کُل سرکاری ادارہ آک بند ءُ، کوئٹہ چمن کسر تون اوار شار ٹی بینک و پرائوٹ دفتر آن ہم بند ءُ۔
ہنوکا دے بےدادی نا تدینی تیان پد شار ئٹی حالیت آک خراب مسُر، اینو سہب ئنا کیہی ہند آ تا جھرپ مس ولے ہچو بھلو تدینی متنے، چمن تولوک برانز و ڈی سی آفس آن پیشن لس ئنا کچ ئس ساڑی ءِ و برانز برجاء ءِ۔
برانز ئٹی ساڑی برانزی تا پاننگ ءِ کہ 48 ساعت آن زیات وخت گدرینگانے ولدا ہم دائسکان چمن آن دزگیر برانز نا بھلُنی ئے کس عدالت ٹی پیش کننگتنے۔
اوفتا ودیک پاننگ اسک کہ ڈپٹی کمشنر و ایلو ضلعی افسر آک اینو مسٹمیکو دے ہم دفتر ئٹی ساڑی افس و نہ صوبائی و بنجائی حکومت نا نیمہ آن دائسکان برانزی تتون مذاکرات نا کوشست کننگانے۔
