گوادر ئٹی سیلاب متاثرین آتا کُمک کن خلنگ مروکا بلوچ یکجہتی کمیٹی نا مرکزی رابطہ و کُمکی گدان ئے شام ئنا نیمہ آ پولیس کشسہ درے ۔
ڈاکٹر صبیحہ نا رد ئٹ تیوعہ بلوچستان ئٹی انتظامیہ بی وائی سی نا سنگت آ تے این او سی نا پن ئٹ تنگ کننگ ءُ و این او سی تننگ ہم افس ۔
او پارے کہ گْوادر ئٹی شام ئنا نیمہ آ ٹینٹ ئے ہرفیر دریر و تیوعہ شہر ئٹی دکاندار آتے تڑی تسُنو کہ کس بی وائی سی ئے ٹینٹ تف ۔
او پین پارے کہ بندغ آ تا زند زندگی تے رکھیفنگ کن قاتل ابید پین دیر ئس خُلیس نا گواچی مرو ؟
یاتی مرے کہ ہندا پِر تیٹ بلوچستان نا جتاء جتاء ہند آک قدرتی آفات آتا زد ئٹی ءُ، گوادر ئٹی سیلاب نا سوب آن دِیر ہندی تہ اُرا تیٹ پیہانے ، بندغ آک ایلو ہند آ تا پناہ ہلنگ کن مجبورءُ و حکومتی کمک نا ودار ئٹی ءُ ۔
حکومتی و ہندی کالخواہ تہ نیمہ آن مناسب ریلیف تننگ ئٹ بے سُہبی آن پد ہندی بندغ آک و تنظیم آک کُمک کننگ نا خلائے پُر کننگ کن گام ہرفیر ۔
قدرتی آفات آن سخت مشکلات آتا گواچی مروکا و سرکاری رسینگپننگ نا سوب آن مایوس شہری تیکن بلوچ یکجہتی کمیٹی نا نیمہ آن کُمکی گدان تون اوار جتاء جتاء ہند آ تیٹ میڈیکل گدان ہم خلنگا۔
