بلوچ آجوئی خواہوک رہشون عبدالنبی بنگلزئی تینا درشان ئسیٹی شہید سنگت سناء ئے خراج عقیدت ندر کرسا پارے کہ سنگت سناء اسہ جوانءُ جہدکار ئس مسُنے کہ او بلوچ نا داخس آ بھلا سرڈغار آ ڈیرہ غازی خان آن ہلیس تانکہ مکران اسکان راجی آجوئی نا جُہدئے مونی درینے۔
او پارے کہ سنگت سناء نا مہکم انگا تنظیم و کاریم تیان دشمن سخت نگیگ مسُنے و دشمن بلوچ راج ئنا پیر و ورنا تیٹی پنی آ ورنائے زور بیگواہی نا اِرا سال آن پد شہید کرے کہ دشمن ئے بیدس بے سُہبی آن ہچ ئس دوٹی بتو۔
بلوچ رہشون پارے کہ پاکستانی لشکر تینا قید ئٹی راہشون ئے اونا نظریہ آن مُر کننگ کتنے بلکہ اودے شہید کرسا مُدامی کن زندہ کرینے۔بلوچستان نا آجوئی جُہد ئنا سربراہ سنگت سناء ئے اونا شہیدی نا سیزدمی سال دے آ خیسُن ءُ دروت ندر کیوہ۔
