آواران: اینو نوندڑہ ٹی نادُرست سلاہ بند بندغ آک زوراک آ پاکستانی لشکر نا چوکی آ بھلا سلاہ تیتون جلہو کریر۔
حوالکار نا رد ئٹ نادُرست سلاہ بند بندغ آک بیگہ نا وخت آ نوکو ہوٹل، نوندڑہ ٹی برجاء انگا پاکستانی لشکر با چوکی ئے بھلا سلاہ تیتون جلہو کریر۔ جلہو ہفت بج اسکان برجاء مسُنے۔پاکستانی لشکرئے جانی نسخان رسینگ نا حوالءِ۔
حوالکار نا رد ئٹ جلہو نا نیام ئٹ لشکر نا کُمک کن اِرا جنگی جہاز جلہو جاگہ سر مسُنو و چوکی نا ایب کھیب ئٹ سُمکاری کرینو۔
ایلو نیمہ آن مستونگ کلی محمد شہی ہائی اسکول پولنگ اسٹیشن آ دستی بمب ئٹ جلہو کننگا۔
نادُرست بندغ آک پولنگ اسٹیشن آ دستی بمب ئس خسسہ نزار۔تراک ئٹی دائسکان پین جانی نسخان نا حوال اف۔
