پاکستان پیپلز پارٹی نا مرکزی رہشون امیدوار برائے قومی اسمبلی حلقہ این اے 258 صابر بلوچ نا اُراغہ سُمکاری ، نسخان نا حوال بتنے ۔
سابق ڈپٹی سینٹ صابر بلوچ تدینی ئے پک کرسا پارے کہ نا دُرست سلاہ بند بندغ آک اونا اُراغہ سُمکاری کریر و نرار ، اِرا سُم اُرا نا دیوال آتے آ ہم لگانے ۔
صابر بلوچ سٹی پولیس تھانہ ٹی تدینی نا رپورٹ ئے نوشتہ کرے ۔
یاتی مرے کہ پاکستان ئٹی ہشت فروری آ مروکا گچین کاری نا سلسلہ ٹی بلوچستان ئٹی سیکورٹی حالیت خرابءِ ، اِرا ہفتہ ٹی جتا جتا ہند آ تیٹی بلوچ آجوئی خواہوک سلاہ بند تنظیم آک 75 آن زیات جلہو تیٹی گچین کاری دفتر ، امیدوار و پاکستانی لشکرئے نشانہ کریر ۔
بلوچستان سیکورٹی حالیت ئٹی بدلی ہموخت مس آ بس ہراوخت بلوچستان نا شہر مچھ بقلان ئٹی بلوچستان نا سلاہ بند آجوئی خواہوک تنظیم بی ایل اے 29 و 30 جنوری نا شام آ بھلو کچ ئسیٹ جلہو کرسا اِرا دے اسکان شہرئے تینا کنٹرول ئٹی تخا ۔
