کیچ : مند ئٹی نا درست بندغ آک استو فدا رند نا اُراغا دستی بمب ئٹ جلہو کریر۔
حوالکار نا رِد ئٹ استو دہ و نیم بجہ آ نادرست بندغ آک پاکستانی لشکر نا ہندی ڈیتھ اسکواڈ نا کارندہ فدا رند نا اُراغا چغلی بمب ئٹ جلہو کریر ۔ جلہو آن ڈیتھ اسکواڈ نا اسہ کارندہ ئسینا نا ٹپی مننگ نا حالءِ ۔
ہرا دے آن پاکستان نا ووٹ خُڑک مننگءِ ، ہمو دے آن پاکستان نا ووٹ آ بخش ہرفوکاک نشانہ مننگءُ ۔ دا نیام ئٹی اخس جلہو مسُنے انگہ دا جلہو تہ ذمہ واری تے ہچ تنظیم ئس ہرفتنے ۔
درو نا دے آ تُربَت نا الیکشن دفتر آ چغلی بمب ئٹ جلہو مسس و سلاہ بند بندغ آک دفتر نا تہٹی ہنیسہ مون پہ مون سُمکاری آن اسہ پولیس کارندہ ئس ہم خلکُر ۔ سلاہ بند بندغ آک پولیس کارندہ آتا سلاہ تے دُوئی کرِسا تینتون دریر ۔ ولے دا جلہو نا ذمہ واری ئے کس ہرفتنے ۔
