شال: بلوچ یکجہتی کمیٹی نا پاننگءِ کہ پگہ تینا چُناتا اواری ئٹ اُراتیان پیش تمبو و بلوچستان نا دا بھلا ریلی ئے مُست ئنا وڑءُ بخیر ئس کبو و زوراک آ ریاست ئے خن نشان ہیتبو کہ ننا ایڑ،چُناک بے کس افس تیوعہ بلوچستان اوفتون سلوکءِ۔ اگہ اینو نن تینا اُراتیان پیش تمتون دا خاخر ننا ہر اُرائے تباہ کرو۔تینا اُراتیان پیش تمبو، دا لُمہ،ایڑ و چُناک ننا بروکا راجی نسل ئے اسہ جوانو کسرئس نشان تسنو اگہ اینو نن تینا اُراتیان پیش تمتون گُڑا ہچ وخت پیش تمنگ کپرون۔
او پارے کہ بلوچستان نا دا کاروان پگہ 25 جنوری پنچ شمبے نا سُہب ئنا یازدہ بجہ آ ہزار گنجی سریاب آ سر مرو۔ اوڈے دا کاروان ئے جوانو وڑ ئسے ئٹ بخیر کبو، ہزار گنجی آن ہلیس تان سریاب کسر اسکان ہر جاگہ بخیر کن ببو، بلوچستان یونیورسٹی نا مونا دا کاروان مُچ مرو۔
او پارے کہ شال ئنا شرفمند آ بندغ آک نُم پگہ یازدہ بجہ آ ہزار گنجی آن ہلیس تان بلوچستان یونیورسٹی آ سر مننگ کیرے تینا چُنا تیتون اوار دا کاروان ئے بخیر کننگ آ تینا بشخ ئے اوار کننگ کیرے۔
