بی ایل ایف نا جارکش میجر گہرام تینا شنگ کروکا درشان ئسیٹی پارے کہ سرمچار آک آواران نا ہند جھاؤ ٹی قوضہ گیر دشمن لشکر نا چوکی آ جلہو کرِسہ اِرا کارندہ خلکُر و ڈرون کیمرہ ئے ٹک کریر ۔
دوشمبے نا شش ءُ نیم بجہ آ سرمچار آک جھل جھاؤ نا تحصیل کیمپ ئٹی دشمن لشکر نا جوڑ مروک چوکی ئے بھلا و جدید آ سلاہ تیٹ ٹک کریر ۔ جلہو ہُرے اسکان برجاء مس ۔ دا جلہو ئٹی دشمن لشکر نا اِرا کارندہ کھسک و اسٹ ٹپی مس ۔ وخت ئسکہ دشمن نا اسہ ڈرون کیمرہ سے ہم ٹک کننگا ۔
بلوچ سرمچار آتا نظریات ، مستعدی و وطن نا محبت نا جوزہ غاک ریاست نا ارب آتا مشینری ئے مِشتا کرِسہ قوضہ گیر ئے جسمانی و نفسیاتی شکست شکار کرِسہ اعصابی جنگ ئٹی فتح حاصل کرینو ۔ دشمن تینا شکست نا پک آ غا اظہار ئے الس آ غصہ ئے کشِسہ کننگے ۔ و ہمو دے مُر اف کہ ریاست تیبہ غا شکست کُنِسہ بلوچستان آن انخلاء کننگ آ مجبور مرو ۔
بلوچستان لبریشن فرنٹ دا جلہو نا ذمہ واری ئے ہرفک و بلوچ سرزمین نا تیبہ غا آجوئی اسکان قوضہ گیر پاکستانی فورسز و ریاست نا کُل مفادات آک ننا نشانہ غاٹو ۔
