کیچ ئنا ہند تربت ئٹی پاکستانی فوج چھاپہ خلِسا اِرا ایلم تے زوراکی ئٹ بیگواہ کرینے۔
حوال تا رد ئٹ بیگواہ کننگوک آ ایلم تا چائنداری معراج بلوچ و ارشاد بلوچ ولد حاصل نا پن تیٹ مسُنے، ہرافتے 18 اگست 2026 نا ویگ ئنا دزگیر کننگ آن پد بیگواہ کننگانے۔
پاکستانی فوج چھاپہ خلنگ نا وخت آ اُراتے پٹ ءَ پول کرسا بندغ آتیا زوراکی کرینے۔
بیگواہ کننگوک آ بندغ آتا بابت ئٹ پاننگ ءُ کہ اوفک دشت ئنا ہند پٹوک نا ہندی ءُ، ولے اوفتے ہُرے ءِ کہ دشت آن ہمپِسا تربت آ بسُنو۔
تومکا ایلمک داکان مُست ہم زوراکی ئٹ بیگواہ کننگانو۔ معراج اسہ سال ئسے آن گیشتر بیگواہ کننگ آن پد آجو مسُنے و ارشاد ہم منہ دے اسکان بیگواہ کننگانے۔
پاننگ مننگ ءِ کہ دا خاہوت نا پین بندغ ہم زوراکی ئٹ بیگواہ کننگانے۔ فوج کیہی وخت آن دا بندغ آتا اُرا تیا چھاپہ خلِسا بندغ آتیا زوراکی کننگ ءِ۔
