کیچ : کونشکلات نا ہندی ورنا زوراکی ئٹ بیگواہ کننگوک آ رحمت ولد محمد بخش نا خاہوت پارینے کہ پاکستانی لشکر رحمت ولد محمد بخش ئے 05 اکتوبر 2025 آ ویگ ئنا 04:00 بجہ آ تُربَت نا بازار آن دزگیر کرسہ بیگواہ کرینے، ہراڑان پد او نا بارو ئٹ ہچو سرپندی ئس تِننگ متنے۔
رحمت بلوچ نا لُمّہ پارینے کہ کنا مار ئنا عمر بیست سال ءِ، و او ننا اُرانا ولِفوک آ مسُنے۔ نن غریب ءُ بندغ اُن رحمت نا بیگواہی آن پد ننا اُرانا حالیت آک جوان افس، نن زیات اونا جان ئکن خُلینہ۔
او پارینے کہ اگہ کنا مار آ ہمرو دوبہ ئس ارے تو اودے عدالت ئٹ ہتِسہ انصاف تننگ مرے۔
