بلوچ لبریشن آرمی نا ترجمان جیہند بلوچ تینا بیان ئسیٹی پارے کہ بی ایل اے نا سرمچارک مستونگ نا ہند کھڈ کوچہ ٹی زورگیر آ پاکستانی لشکر نا کاروان تون اوار اسہ بکتربند لاری سے بمب ئٹ نشانہ کریر و پدا سنگر ہلیسہ ایلو لاری و بکتربند ئے ہم ٹک کریر۔ دا تُرند انگا جلہو ئٹی زورگیرہ فوج ئنا سیزدہ کارندہ خلنگا و دہ آن گیش ٹپی مسُنے ۔ بی ایل اے نا اسپیشل ٹیکٹیکل آپریشنز اسکواڈ ہم دا کاروائی ٹی اوار مسونے۔
او پارے کہ اندا وڑ اینو تربت نا ہند خیر آباد ئٹی سرمچارک زورگیرہ فوج ئنا کاروان نا سیکیورٹی کروک آتیا جلہو کرینو، ہراڑان مُسہ کارندہ خلنگا و پین مُسٹ ٹپی مسُر ۔ بی ایل اے نا سرمچار ک نوشکی ،قلات، خاران، واشک زہری و چاغی ٹی ہشت جتاءُ کارروائی کرینو ۔
جیہند بلوچ دا کاروائی تا ذمہ واری تے ہرفسا پارے کہ دا کُل کاروائی تا تیبا تفصیل ہفتہ والا بیان ئٹی شنگ کننگ مرور ۔
