وائس فار بلوچ مسنگ پرسنز نا چیئرمین نصراللہ بلوچ دوانزدہ مارچ آ شال آن زوراکی ئٹ بیگواہ کننگوک آ غلام حیدر کرد ئنا آجوئی ئے جوانو گام ئس پارِسہ پارینے کہ ایلو کُل آجو مریر و اوفتا خاہوت آک دا ڈکھ آتیان آجو کننگِر۔
اونا پاننگ اسک کہ غلام حیدر کرد ئنا کیس تنظیم نا پارہ غان کمیشن و سرکار ئے تننگاسس۔ اونا آجوئی نا ہیت ہندا نشان ایتک کہ بیگواہ غا بندغ آتا کیس سنجیدہی ئٹ ہرفنگ مرے و ادارہ غاک تینا ذمہ واری تے پوور کیر۔
نصراللہ بلوچ خواست کرینے کہ کُل بیگواہ غا بندغ آتا آجوئی کن جوانو گام ہرفنگ مرے۔ اگہ کس ئسے آ ہمرو ہم دوبہ ئس ارے اودے عدالت ئٹ ہتِسہ اونا قانودی حق ئے تننگ ءِ۔
