بی آر جی نا ترجمان دوستین بلوچ میڈیا ٹی شنگ مروکو بیان ئسیٹی پارے کہ استو سرمچارک بلوچستان نا ضلع کچھی نا ہند ڈھاڈر نا خُڑک بجلی نا بھلا ٹاورتے تراک ئنا شورہ تیٹ بھُس کریر۔ ہراٹی اِرا ٹاورتے سخت نسخان مسونے۔
دوستین بلوچ تینا بیان ئٹی پارے اینو سرمچار آک ضلع کچھی نا علاقہ بولان قلمدین ئٹی گشت ئٹی اسُر کہ پاکستانی لشکر اتون مون پہ مون مسُر۔ سرمچار آک کاروائی کرسا فوج آ بھلو جلہو ئس کریر ہرانا سوب آن فوج ئنا اِرا کارندہ ہمو جاہ آ خلنگار و کیہیک ٹپی مسُر۔
دوستین بلوچ پارے کہ سرمچار آک جلہو آن پد تینا رکھوک ٹھکانہ آتا سر مسونو۔
ترجمان پارے کہ سرمچارک بلوچستان نا ضلع نصیر آباد نا علاقہ نوتال نا خُڑک کوزہ گیر پاکستانی فوج ئنا چیک پوسٹ ءِ بھلا و خودکار سلاہ تیٹ نشانہ کریر، ہرانا سوب آن کوزہ گیر فوج ءِ جانی و مالی نسخان ہرفوئی تمانے۔
دوستین بلوچ ایسر ئٹ پارے کہ دا جلہو تا ذمہ واری تے بی آر جی ہرفک و ننا دا وڑ ئنا کاروائیک بلوچستان نا تیبا آجوئی اسکان برجاء مرور۔
