اوغانستان نا جتا جاگہ غاتے آ پاکستان نا جلہو تیٹی اِستو دوانزدہ بندغ بیران و دہ ٹپی مسنو۔
طالبان نا سرکاری جارکش ذبیع اللہ مجاہد تینا بیان ئسیٹی پارینے کہ اِستو پاکستان افغانستان نا سیمسر نا ہند، کنڑ، پکتیکا و خوست ئٹی جہاز آ تیئٹ بمب گواری کرینے ہرافتیٹی دوانزدہ بندغ بیران و دہ ٹپی مسنو۔
بی بی سی پشتو تون طالبان گورنر نا جارکش تران کرِسہ پارینے کہ سپیرا نا ہند ئٹی اسہ خلق ئسے آ جلہو ئٹی نُہہ بندغ بیران و دہ ٹپی مسنو، ہرافتیٹی چُنا و زالبول آک ہم اوار ءُ۔
ایلو پارہ غان اوغانستان نا صوبہ پکتیکا نا ہند برمل ئٹی ہم جلہو تیٹی مسہ بندغ بیران مسنو۔ برمل نا ہندی سینا رد ئٹ جلہو نن ئنا یک بجہ آ مسُنے۔
