بلوچ ریپبلکن گارڈز ئنا ترجمان دوستین بلوچ میڈیا ٹی شنگ کروک تینا بیان ئسیٹی پارینے کی کہ استو ننا سرمچار آک ضلع صحبت پور ئٹی عسکری جوڑشتی کمپنی آ جلہو کرسہ اوڑے ساڑی مشینری تے خاخر ترسہ بُھس کریر۔
ترجمان پارے کہ نن ہندی ٹھیکہ دار آتے خبڑدار کینہ کہ او ریاست نا جوڑشتی منصوبہ تیان مُر مریر، نہ تو او تینا جانی و مالی نسخان نا ذمہ وار تینٹ مرور۔
دوستین بلوچ مُستی پارے کہ اینو ننا سرمچار آک کچھی نا علاقہ کچھی ناڑی ٹی جتاء ہند آتیا ناکہ بندی کرسہ اسنیپ چیکنگ کریر۔
ترجمان نا رد ئٹ کیہی علاقہ تیٹی سرمچار آک گشت کریر، واہم دا وخت آ ہچو سرکاری کمک کار نظر بتو، ناکہ بندی نا وخت آ سرمچار آک تینا قوم ئنا بھاتی تیتو جوانو وڑ ئسے ئٹ حال و حوال کریر۔
بی آر جی نا ترجمان مُستی پارے کہ صحبت پور ئٹی عسکری جوڑشتی کمپنی آ جلہو و کچھی ٹی جتاء ہند آتیا ناکہ بندی نا ذمہ واری تے ننا تنظیم ہرفِک، و ننا دہن انگا جلہو آک بلوچستان نا آجوئی اسکان برجاء مرور۔
