بلوچستان لبریشن فرنٹ سدّو آپریشن بٹالین ( سوب ) ئنا ہیل کاری نا ویڈیو ئے بی ایل ایف نا چاگڑدی رسانکدر آشوب چینل آ شنگ کرینے۔
شانزدہ منٹ ئنا ویڈیو ٹی شہید آ فدائیک تینا فوجی وردی ءُ پوسکنا سلاہ تیتو اوار بلوچستان نا مش تیٹی نن ءُ دے فوجی ہیل کاری ٹی خننگرہ ۔ دافتیتون اوار فدائی تا کلہو آک ہم اوار ءُ ۔
بلوچستان لبریشن فرنٹ نا فدائی یونٹ سوب آپریشن 30 نومبر 2025 آ چاغی نا ہند نوکنڈی نا برگیڈ ہیڈکوارٹر آ کننگا ءُ کیمپ ئنا نیام ئٹی سیندک و ریکوڈک نا کاریم تا ڈنی نوکر تا جہہ و کمپاؤنڈ آ سر مننگ ئٹ سرسوب مسُر۔
سوب ئنا دا کاروائی ٹی ڈنی نوکر تیتون اوار 76 لشکری کارندہ خلنگاسس ءُ سوب ئنا شش سرمچار فدائی کریسُر ۔ فدائی تیٹی آصف بلوچ عرف خالد بلوچ ، عنایت ساحل عرف گہرام بلوچ ، زرینہ رفیق عرف ترانگ ماہو ، نبیل احمد عرف استاد عادل بلوچ ، میر جان عرف جانان بلوچ ءُ غلام جان عرف استال بلوچ اوار اسُر۔
ویڈیو جتا جتا انگا وڑ ئٹ کشنگانے ہراڑے چُنکا ڈرون ئٹ ندارہ کشی، زمینی کیمرہ ہم کارمرز کننگانے۔
ویڈیو ٹی امریکی توفک، نائیٹ وژن و فدائی تا فوجی تربیت نشانگ تننگانے۔ ہراڑے دے و شام ئنا فوجی مشق، جتا پوزیشن تیٹ سُم و گولہ خلنگ،شہید آتا دیوان و شاعری نشان تننگانے۔
دا ویڈیو ئے بی ایل ایف نا چاگڑدی رسانکدر آشوب چینل آ ہُننگ کیرے۔
