بلوچ ریپبلکن آرمی نا ترجمان سرباز بلوچ میڈیا ٹی شنگ کروک بیان ئسیٹی پارے کہ سرمچارک درو ڈیرہ بگٹی نا ہند بیہہ لوٹی ٹی لُٹ و پُل کروکا کمپنی ماری انجئینرز لمیٹڈ نا سائیٹ آ راکٹ و ایلو سلہہ تیٹ جلہو کریر۔ دا جلہو ئٹی کمپنی نا مُسہ کارندہ خلنگانے و کیہیک ٹپی مسونو ۔
ترجمان پارے کہ دا جلہو آن پد پاکستانی لشکر و ڈیتھ اسکواڈ تون 8 گھنٹہ اسکان جنگ برجاء مس۔ دا جنگ ئٹی فوج ئنا نو کارندہ و ڈیتھ اسکواڈ نا مُسہ کارندہ خلنگا و درزن ئسیان گیش ٹپی مسونے ۔
او پارے کہ دا جلہو ئٹی شش سرمچار سرزمین نا رکھیفنگ ئٹی شہید مس۔ بی آر اے شہید مروکا سنگت آتے خراج عقیدت دروت ایتک و اندا قول ءِ کیک کہ وطن نا رکھیفنگ ئٹی شہید مروکا ورنا تا دتر نا ہر پٹ ئنا حساب ہلنگ مرو۔
ترجمان سرباز بلوچ پارے کہ داکان مُست ماری کمپنی ءِ ہدایت تننگانے بلوچ سرزمین نا راجی مڈی تا لُٹ و پُل نا اجازت اف۔ دا کمپنی نا کمکار و بندغ آتے کیہی وار پاننگ مسونے۔ ولے اینو آن پد تنظیم دا پڑو ءِ کیک دا کمپنی تون سیالی تخوکا بندغ و کمکار آک ننا جلہو تا دک ئٹی مرور۔
