نوشتہ کار: برمش بادینی
زرمبش نوشتانک|
اگہ نن جنگ ئنا کمک ئٹ تینا آجوئی ءِ ہلنگ و دوئی کننگ نا کسر ءِ ارفینُن گڑا ننے جنگ ئنا راستی تے سرپند مروئی ءِ و جنگ ئنا خواست آتے پورو کننگ تون اوار تینے ساندہ جنگی وڑتیان واخب کروئی ءِ ۔ داڑے سوج دا ودی مریک کہ ، جنگ ئنا راستیک انت ءُ ؟ جنگ
ننے آن انت خواست کیک و جنگ انتے کروئی ءِ؟
جنگ پارہ کہ حالیت ءِ بدل ایتک جنگ ہر ہمو دژمن ظالم تا زی آ کننگ المی مریک ہرا مُدام نزوری تے بے وس آ راج تے نیست کننگ خوارہ ۔ تاریخ مدام بیوس آ راج و مخلونق نا دترتیان نوشت مریک کہ اوفک تینا راج مخلونق نا شون تننگ کن انت وڑ ئنا قربانی و ندر مسونو ۔ اندن جنگ ہچ جوانو گڑا ئس اَف دا بربادی سے بھس کاری ئسے ماتم و خوشی تا ایسری سے ولے ایلو کُنڈ آ جنگ خوشالی شون تننگ و شرحالی ئسے ، بقاء مننگ سے ءُ زندہ کننگ ئسے ۔ جنگ ئنا راستی ءِ تینا خَن تا دُک نا خُڑک نا lense آن اُرین گڈا بھس کاری ئسے اگہ خن نا دُک نامر ئنا lense ئٹ اُرین تا گڑا آسودہ ءُ زند ئسے ۔ داڑے ہفتاد سالی جنگ ننے آن باز آ بندغ تے درینے ہرافتیٹ ورنا ، چنا، زالبول ، پیر ءُ کماش اوار ءُ ۔ اندا وڑئٹ جابر ننے تینا ڈیھ و راج اٹ وطن نا چاگڑد اٹ گٹو کننگ ءِ نہ جوانو زند ئسیکن الانے نہ جوانو زندغانی ئسیکن او ننے اسہ وڑنا ہم جاوراسیکن الپک گڑا دا راج آ جوانو دے اس ہموتم اسکان بفک اسکان کہ دا راج تینے و تینا ڈیھ ءِ سرپد مرے۔ اینو ننے راج ءِ ارفنگو خلنگو تینا جند ئنا شار ءُ بازار تے جند ئنا منشا اٹ اِننگ کپنہ وڑ وڑ نا ناجوڈی تیان ننے کسفنگ ءِ ایسر کننگے ۔ خلک و ابادی تے سلہ تور و گٹو کرینے اینو تیوہ مخلوق ءِ ویلا تٹی اختہ کرینے خلک آک خالی مسونو بندغ آک امپینو تینا اُرا و قبرستان تے الانو ہرا اوفتا مرگ و زندی دیار و ہنکین اسور ۔ جنگ ایسری و بندشی تا پنے دا کاٹم دیک کاٹم خواہک۔جنگ ئٹ ہچ خوشی و الو آلو اَف اگاہ وختس بلوچ ءُ پنجاپی ریاست نا نیام ئنا جنگ ئٹ بلوچ ئس خلنگک گڑا ہموڑے فوجیک خوشی کرور ولے ایلو کنڈ آ ماتم مریک اندا وڑا ئٹ اگاہ وختس فوجیس خَلنگک نن خوشی کرون ولے ایلو کنڈ آ کوک ءُ ماتم مریک۔ دا جنگ نا بیخ ءِ دا ہنین و خرین نا نیام آن جوڑ مروک گڑاسے ہرادے جنگ تو بیرہ بس جنگ پارہ۔ اندن داڑے ننے ہچو جوانی ئس خننگ ئٹ بفک ولے اگاہ نن تینا خن نا دُک نا خڑک ئنا lense ءِ بدل کین تینا ملی ءِ مَلن، تیا شعور نا قبلہ ءِ راستی کین گڑا جنگ ئٹی خوشی، آسودئی، مہر ءُ مابت ہم ساڑی خنگک ہراتم نن جنگ ء جنگی خواست اتتون ٹل و پھل کین و سوبری اٹ پو مرین و بیدار مرین۔
تاریخ ساندہ بزگ آ راج اتا پیہن آ جسم نا خیسن آ دترتیان تینا پنہ غاتے خیسن اٹ نوشت کرینے ہرافک تینے و تینا راج آکن ہروڑنا قربانی تسونو۔ او اندن ظالم ءِ نیست کرینو۔اندن دیار ئٹ باز آ بے رحم ءُ جنگ مسونو ارا ٹی لکھ آتا کچ ئٹ بندغک کسکُنو ۔ جنگ بندغ آتا جون کنوکو ساھدار اسے ولے دا جنگ آتا nature آک مقصد آک ءُ result آک تینا مَٹ تینٹ مسونو ۔ جنگ بیرہ metrialist اُرینگپ بلکہ علمی ، منتقی ءُ عقلی بنیاد آ اُرینگے گڑا دانا زی آ ننا فکر ننے عمل نا کنڈ آ دیک ءُ عمل ننے دانا result نا گڑا ہموڑے تینے و تینا ساہ ءِ تننگ ہم مشکل مفک ۔ بلوچ راج نا جنگ ئنا ہم خواست ندرئی و قربانی تا دتر تا تننگ نائے ۔ راج اے بروک آ روشن آ دے آک قُربان مننگ و بیدار مننگ نا گرج اے۔ گڑا راج آخوبت نا خوشی ، زندگی ءُ تینا بروک آ پدریچ نا آسودگی ءُ راجی پجار ءِ رکھفنگ مدام کرو۔ اندا فکر اتون ننا ورناک امو سرمچار آک جہد کار آک تینا اینو نا آسراتی تے مِش تا کرینو ءُ جنگ ءُ مزاحمت ئنا زی آ علمی و فکری ءُ عقلی بنیاد آ عمل کننگو۔ ویتنام ءِ اینو جہان اسے خوشال ءُ خود مختارو راج ئسے نا بستار ئٹ چائک ولے اگاہ امو تم ویتنامیک فرانسیسی ءُ امریکی تا برخلاف جنگ ءِ بربادی ءُ تبائی سمجوسُر ءُ تینے جنگ آن مُر تِخوسُر گڑا اینو ہم اوفتہ حال امو 1975 آن مست ئنا اسک اندا وڑ فینن ہم پائک کہ آجوئی جنگ آن بیدس الننگ پک ۔ ویتنامیک نزور اَسر ولے تینے آن بَلا تاغت نا مون آ کاٹم ءِ شیف کننگ نا جاگہ غا جنگ کریر و امریکہ ءِ لاچار کریر کہ اُفتا ڈغار ءِ اِلے ءُ کاۓ۔ گڑا افتا قربانی و کڑد ہموڑے جاورتے بدلی تس۔
اگاہ اینو بلوچ ہم جنگ کننگ ءِ ءُ نن اندا جنگ ئنا وسیلہ ٹی تینا مزلآ سر مننگ خوانہ گڑا جنگ ہچ وڑ ئٹ سلپ نزور مف بلکہ ترندو سوبر و تکڑای اٹ مرے گڑا زوت راج مزل آ گام خلیسہ سر مریک۔ راجی جہد اٹ چندی دروشم آ ورناک مش تا خل تے مہراتا دروت الکور و شورہ بغل کرسہ ندر مسور ہرافتا فلسفہ بیرہ راج و راجی خواست جنگ و وطن نا اس۔اندن شہید ریحان جان پاریکہ اگاہ جنگ ئنا کمک ئٹ آشوب اتننگ خواسہ گڑا جنگ ئنا خواستآتے پورہ کروئی ءِ اَنتے جنگ ئنا تینا خواست و مسخت آک مریرہ۔ ہراتم ا تینا نن ذاتی است خواہی تے قربان کرین جنگ ئنا خواست آتے پورہ کرین گڑا آشوب بروئے
دا جنگ ئنا راستی ءِ کہ جنگ مدام تینے ترند کننگ ئٹ بندغ تا قربانی خواہک ءُ گڑا مظلوم بے وس بزرگ آتے اوفتا مزل آ سر کیک ۔ اینو داڑے ہم اندن ننا ڈۓ ئٹ اسے جنگ ئس برجا ءِ ارا ننے آن ہر وڈ نا قربانی و ندرئی خواہک۔ اگاں نن ہم تینا عیش و عشرت والا زندگانی آتے قربان کرین گڑا اموتم امیت ءِ دا ہفتاد سالی جنگ ئٹ نمیران مروک آ ہر شہید تینا اُست اٹی دا راج نا بروکا ساندہی روشن آ دے و شونحال و خشنگ آ زندگی ء ہراڈول سوچاسور ہموفتا ارمانک
پورا ہم مرو۔اندن اوفتا روح ء سکون ملو اوفک اسہ وار پد ڈے اے سلام پارو۔
