خضدار نا ہند گریشہ و پنجگور نا ہند پروم ئٹی پاکستانی لشکر اِرا بندغ ءِ دزگیر کرسا بیگواہ کرینے۔
حوال تا رد ئٹ استو پاکستانی لشکر گریشہ آن سرور بلوچ ولد حیدر ءِ دزگیر کرسا بیگواہ کرینے۔ بیگواہ کننگوک آ بندغ گیشری نا ہندی ئسے ہرادے استو زباد آن اونا ڈغار آتیان پاکستانی لشکر و ڈیتھ اسکواڈ چار لاری تیٹی برسا اودے دزگیر کرسا بیگواہ کرینے۔
اندا وڑ پنچ دے مُست پروم جیرک سیم آن پاکستانی لشکر نزام بلوچ ولد خدا دوست ءِ دزگیر کرسا بیگواہ کرینے۔ زوراکی ئٹ بیگواہ کننگوک نزام دز پروم نا ہندی ئسے۔ ہرا تیل ئنا کاروبار کننگ ئٹی مسونے فوج اودے گاڑی تون اوار دزگیر کرسا بیگواہ کرینے۔
